ბებერი ნაძირალა

ცხოვრება ამაზრზენია და ამაში კიდევ ერთხელ დავრწმუნდი.
დავრწმუნდი რა ამაში კიდევ ერთხელ გავაანალიზე, რომ ადამიანები კიდევ უფრო შემზარავები არიან საკუთარი არაადამიანური ქცევებით.

რამდენი პასუხგაუცემელი კითხვა მაწუხებს, რამდენი გაშმაგებული აზრი აწვება აზროვნების ბუდეს და ამოხტომას ლამობს, რადგან ვერ გაურკვევია, ასეთი აზრები ხომ არ შეესაბამება იმას, რისიც მას აქამდე სჯეროდა. ნუთუ ყველა ადამიანს შეუძლია ჩაიდინოს საშინელი დანაშაული, ისე, რომ არ იფიქროს შედეგზე, იმ ადამიანზე, რომელსაც ის გულს სტკენს. ეს კიდევ მარტივი ნათქვამია, გულის სტკენა არაფერია, რადგან ზოგჯერ ერთი ადამიანი თავისი არაადამიანური ქცევით სხვას ცხოვრებას უნგრევს, უმახინჯებს იმ გზას, რომელიც მას გასავლელი აქვს , სადღაც აქრობს და მას მხოლოდ თვითგვემას ან არარსებულ მომავალს უსახავს. უნადგურებს ცნობიერებას და იმ ყველაფერ ძვირფასს , რაც ყველა ადამიანში უნდა ცოცხლობდეს მთელი თავისი ძლიერებით.